الاختبار الفني لوظائف مهندسين بنك مصر

الكلام هيكون على الاختبار الخاص بمهندسين الالكترونيات..
الغرض من الاختبار ان البنك يقيس مدى معرفة المهندسين بأي حاجة ليها علاقة بالالكترونيات سواء مروا بيها في الجامعة او بعد الجامعة. الامتحان بيكون عبارة عن 30 سؤال بين اختياري ومسائل:

•  لازم تكونوا عارفين اساسيات الدوائر الكهربية بداية من علاقة الفولت بالامبير والمقاومة إلى استنتاج حساب الفولت عند نقطة معينة (ودي بتيجي كتير) 

                                                                V = I*R

ومثال على كده

• لازم برضه تكونوا عارفين ازاي المقاومات تقدر تتجمع سواء كانت متوازية او متتالية 

قانون المقاومات المتوازية للمثال ده: 

 (Rt= (R1*R2)/ (R1+R2

قانون المقاومات المتتالية للمثال ده:

Rt= R1+R2+R3

• كتير برضه بيسأل على الملفات والمكثفات (coils and capacitors) ، اعرفوا كل حاجة عنهم وبالاخص ال winding resistance الخاص بالملفات.

• معرفة برضه ال resonant frequency عشان بيسأل على حسابها بالنسبة لدوائر فيها coil او capacitor.

• كل ما يتعلق بعلاقة الفولت بالامبير في ال AC وهو بيبقى lead امتى و lag امتى

• كان في كام سؤال برضه عن بروتوكولات الشبكات زي HTTP مثلا، فميضرش برضه نعرف القشور بتاعتها واختصارات زي WAN و LAN كده.

• حساب الpower بتاع اي دائرة كهربية طبعا واللي بيساوي

P = I*V = V^2/R = I^2*R

• اعرفوا اكتر عن ال Mask ROM

• قوانين الtransformers وايه اللي بيحصل لما عدد اللفات (turns) يتغير

• تعرفوا بقى معلومات عامة عن انظمة اطفاء الحريق والانذار (fire alarm systems & fire fighting systems) وانواعها ورسم الدوائر بتاعتها (احنا في النقطة دي بنتكلم عن حوالي 6 اسئلة!)

ده اللي فاكره بصراحة....بالتوفيق